Şotlandiyalı Brenda Yanq, "qırılmış qəlb sindromu"nun yeni müalicə üsullarını sınaqdan keçirən ilk pasiyentlərdən biridir. 57 yaşlı sosial işçi, anasının qəfil vəfatından sonra sinəsində kəskin ağrı hiss edib.
Həkimlər əvvəlcə infarkt düşünsələr də, diaqnoz Takotsubo kardiomiopatiyası olub. Bu sindrom ağır stress nəticəsində yaranır.
Brenda, Aberdin Universitetinin apardığı yeddi illik klinik sınaqlara qatılıb. Tədqiqatçılar RAS inhibitorlarının effektivliyini yoxlayır.
Layihə rəhbəri professor Dana Douson deyir: "İndiyədək bu xəstəliyin təsdiqlənmiş müalicəsi yox idi. İlk dəfə olaraq, dərmanların ölüm və ağırlaşma riskini azaltdığını elmi şəkildə sübut edəcəyik."
